“Real Madrid” ketma-ket 8 oʻyinda gʻalaba qozondi. Anchelotti soʻnggi 11 oʻyinda 10 gʻalaba va durang qayd etgan.

Kuni kecha Madridning “Real” klubi La Liganing 16-turi doirasida “Real Sosyedad”ni magʻlub etdi (2:0).

Karlo Anchelotti shogirdlari barcha musobaqalarda ketma-ket 8-gʻalabani qoʻlga kiritishdi. Shuningdek, jamoa magʻlubiyatsiz seriyasini 11 ta oʻyinga yetkazdi va “Osasuna” bilan (0:0) faqat bitta durang qayd etdi.

Maʼlumot uchun, ayni paytda Anchelotti shogirdlari 39 ochko bilan La Liga turnir jadvalida peshqadamlik qilmoqda.

Eslatib oʻtamiz, madridliklar kelgusi uchrashuvni Chempionlar ligasi guruh bosqichida “Inter”ga qarshi 7-dekabr kuni oʻtkazishadi.

• Futbol
• Xorij