Joriy yilning 14-dekabr kuni aktrisa Anjelina Joli Kapitoliyga tashrif buyurdi va bu yerda AQSh hukumati vakillari bilan uchrashdi. U Afgʻonistondagi ayollar va ularga nisbatan zoʻravonlikka qarshi kurashish masalasini muhokama qilgan. Aktrisa bu borada senatorlar Mitt Romni, Lindsi Grem va kongressmen Kori Bush bilan suhbatlashdi.

“Bugun Anjelina Joli bilan Afgʻoniston ayollari va mamlakatdagi diniy ozchilik masalasidagi uchrashuvimiz oʻta samarali boʻldi. Biz xalqaro hamjamiyat bilan Afgʻonistondagi gumanitar fojianing oldini olish uchun birgalikda kurashishimiz kerak” deb yozdi Lindsi Grem oʻzining Tvitterdagi sahifasida.

U Kapitoliy siyosatchilari Anjelina Jolining afgʻon xalqiga yordam koʻrsatish istagi va murakkab davrda ulardan xavotirga tushganini yuqori baholayotganlari haqida alohida taʼkidlagan.

• Afg‘oniston
• mashhurlar