Shu yilning fevral oyida Bred Pitt sobiq rafiqasi Anjelina Jolini vinochilik biznesidagi ulushini rossiyalik tadbirkor va SPI Group alkogolli ichimliklar ishlab chiqaruvchi yirik kompaniya rahbari Yuriy Sheflerga sotishda ayblagani ma'lum bo'ldi. Pitt shartnomani bekor qilish uchun aktrisani sudga berdi. Oxirgi sud uchrashuvida Joli vakillari Bred Pittdan sudga vino zavodining yarmini sotish noqonuniyligini isbotlovchi hujjatlarni taqdim etishni talab qilishdi. Shu bilan, Los-Anjeles sudi Joli foydasiga qaror chiqardi.
Bred Pittning vakillari ta'kidlashicha, vino zavodi aktyorning sevimli ishi edi.Uning sa'y-harakatlari tufayli zavod bir necha million dollarlik biznesga aylandi. Shu bilan birga, Joli loyihaning muvaffaqiyati uchun hech narsa qilmagan. Bundan tashqari, Pitt Joli bilan biznesdagi ulushlarini o'zaro roziliksiz sotmaslik to'g'risida kelishuvga erishganini, ammo Anjelina bu kelishuvni buzganini aytadi.
2008-yilda Pitt va Joli “Chateau Miraval” uzumzorlarini sotib olishgan va vino ishlab chiqarishni yo’lga qo’yishgan. Bred Pitt va Anjelina Joli 2019-yilda ajrashishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!