Xayriya jamg‘armalarini qo‘llab-quvvatlashni yaxshi ko‘radigan kinoaktrisa Anjelina Joli Erondagi vaziyatga e’tibor qaratdi. U mamlakatda Mahsa Amini o‘limi tufayli boshlangan norozilik namoyishlari fonida ayollarni qo‘llab-quvvatlagan.

Eslatib o‘tamiz, ikki haftadan buyon mamlakatda islomiy kiyinish qoidalariga rioya qilmagani uchun qo‘lga olingan qizning o‘limi sabab norozilik namoyishlari bo‘lib o‘tmoqda. 22 yoshli Mahsa Amini noto‘g‘ri hijob kiygani uchun hibsga olingan. Manbalarga ko‘ra, u qattiq kaltaklangan. Qiz kasalxonaga olib ketilgan va u yerda vafot etgan.

Anjelina Joli o‘zining instagram sahifasiga quyidagi postni joylashtirgan.

“Eronning jasur va qo‘rqmas ayollariga hurmat. O‘nlab yillar davomida omon qolgan va qarshilik ko‘rsatganlarning barchasi bugun ko‘chaga chiqmoqda. Ayollarni qayta tarbiyalash, ularning axloqiy tamoyillari nazorat qilish kerak emas. Ularga zo‘ravonlik va tahdidlarsiz yashash hamda nafas olish erkinligi kerak”

• Shou-biznes
• qiziqarli