Gollivudning taniqli aktrisasi Anjelina Joli Ukraina, Afgʻoniston, Mali va boshqa bir qator mamlakatlardan boʻlgan qochqinlar bilan uchrashdi. Ijodkor bu haqida oʻzining Instagram sahifasi orqali maʼlum qilgan.
Qochqinlar oʻz vatanlarini harbiy harakatlar, ochlik, taʼqib tufayli tark etishgan. Ular orasida Misr, Kot-dʼIvuar, Kongo, Kurdiston, Nigeriya va Gambiya fuqarolari ham boʻlgan. Aktrisa ular bilan birga kechki tanovul ustida suhbat qurib, qochqinlarni “yangi doʻstlarim” deb atagan.
Tadbir BMTning qochqinlar ishlari boʻyicha agentligi, “Save the Children Italia” fondi va Joel Nafum nomidagi qochqinlar markazi koʻmagida tashkil etildi. Anjelina Joli qochqinlarga ajratilgan vaqt va hayotiy hikoyalar uchun minnatdorchilik bildirgan.
Eslatib oʻtamiz, Anjelina Joli BMT ning Ezgi niyat elchisi hisoblanadi. U yaqindagina faol harbiy harakatlar davom etayotgan Ukrainada boʻlib qaytgan, avvalroq esa Afgʻoniston fuqarolarini qoʻllab-quvvatlagan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!