“Apple” o‘zi sotayotgan so‘nggi “iPod” modelini ishlab chiqarishni to‘xtatishini ma’lum qildi, bu esa musiqa sanoati va texnologiya giganti uchun yangi davrni boshlashga yordam bergan mashhur mahsulot “faoliyatiga” samarali nuqta qo‘yadi.
“Apple” rasmiylarining ta’kidlashicha, xaridorlar “iPod Touch” qurilmasini sotib olishda davom etishlari mumkin. Kompaniya shuningdek, mijozlar endi “iPhone”, “iPad” va “Apple Watch” kabi boshqa “Apple” qurilmalari qatoridan o‘zlarining sevimli qo‘shiqlarini tinglashlari mumkinligini ta’kidladi.
“Musiqa har doim “Apple” kompaniyasining asosiy qismi bo‘lib kelgan va uni yuzlab million foydalanuvchilarga yetkazish “iPod” nafaqat musiqa sanoatiga ta’sir qildi, balki musiqani qanday kashf qilish, tinglash va baham ko‘rishni ham qayta belgilab berdi. Bugungi kunda “iPod” ruhi yashab kelmoqda”, – “Apple”ning marketing bo‘yicha katta vise-prezidenti Greg Josviak bayonot berdi.
2001 yilda “Apple” asoschisi va o‘sha paytdagi bosh direktori Stiv Jobs tomonidan birinchi marta taqdim etilgan “iPod” kompaniyaning qo‘l qurilmalari bilan ulkan muvaffaqiyatini boshlashga yordam bergan.
Kiyim cho‘ntagiga sig‘adigan qurilmada 1000 tagacha sifatli CD qo‘shiqlarni saqlash haqidagi dastlabki va’dasi bilan xaridorlarni o‘ziga torta olgan. 2007 yilning o‘rtalariga kelib, 100 milliondan ortiq “iPod” qurilmalari sotilgan.
O‘sha yili “Apple” o‘zining eng muvaffaqqiyatli maxsuloti – “iPhone”ni taqdim etdi, u ko‘p jihatdan “iPod Touch”ning merosxo‘ri sifatida qaralgan.
“iPod Touch” modelining eng so‘nggi – 7-avlodi 220 dollar narxga sotilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!