AQSh boshchiligidagi koalitsiya kuchlari Suriyaning Al-Hasaka viloyatidagi harbiy bazaga hujum uyushtirdi.
Bu haqda AQSh Markaziy qo‘mondonligi xabar berdi.
“AQSh harbiylari bugun mahalliy vaqt bilan 22:31 larda Suriyaning ash-Shaddodi shahridagi patrul bazasiga ikkita raketa hujumini uyushirdi”, - deyiladi AQSh bergan bayonotda.
Ma’lumotga ko‘ra, hujum natijasida tan jarohati olganlar yo‘q, baza qurollari va aholiga zarar yetmagan, Shuningdek, Suriya Demokratik kuchlari raketa uchirilgan joyga kelib, uchinchi uchirilmagan raketani topishgan.
“Bunday turdagi hujumlar tinch aholini xavf ostiga qo‘yadi, Suriyaning barqarorligi va xavfsizligiga putur yetkazadi”, - dedi CENTCOM matbuot kotibi polkovnik Jo Bukchino.
Bundan tashqari “Al Mayadeen” telekanali avvalroq AQSh nazorati ostidagi baza yaqinida bir nechta portlash sodir bo‘lganini xabar qildi.
Axborot agentligining yozishicha, to‘rtta raketa harbiy inshootdan uncha uzoq bo‘lmagan joyda qulagan.
Ma’lumot uchun, Suriyaning Hasaka, Dayr-az-Zor va Raqqa viloyatlari asosan AQSh tomonidan qo‘llab-quvvatlanadigan kurdlar tomonidan nazorat qilinadi.
2015-yildan beri AQSh qo‘mondonligi ushbu hududda to‘qqizta baza yaratdi. 2019-yil oxirida AQShning o‘sha paytdagi prezidenti Donald Tramp Suriyaning sharqiy va shimoli-sharqidagi neft konlarini nazorat qilish uchun mintaqada bir necha yuz AQSh qo‘shinini qoldirish rejasini ma’qullagan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!