Joriy hafta davomida AQShda jazirama davom etmoqda.

Yuta shtatidagi Solt-Leyk-Siti o‘zining sentyabr oyidagi harorat rekordini yangiladi.

Chorshanba kuni esa mamlakatda eng yuqori havo harorati qayd etildi. Sentyabr oyining yangi rekordi 41,7 gradusni tashkil etdi.

Gidrometereologiya xizmatining ma’lum qilishicha, kuzda bunday rekord darajadagi yuqori haroratni qayd etish g‘ayrioddiy.

Iqlim o‘zgarib borarkan, aholisi uchun yashash qiyinlasha boradi. Anomal issiqlik, turli xil dovullar mamlakatdagi dala hosilini yo‘qqa chiqaradi.

Shuningdek, bir nechta shtatlarda dovul va bo‘ronlar kuzatilgan. Hafta boshida janubda, Meksikaning g‘arbiy qirg‘og‘ida tropik bo‘ron, 2-toifali dovulga aylanib, 100 mil / soatlik shamollarni keltirib chiqardi. Ushbu tabiat hodisasiga odamlar “Kay to‘foni” deb nom berishdi.

Dovul 8-sentabr payshanba kuni Meksikaning g‘arbiy qirg‘oqlari bo‘ylab Oaxakadan Nayaritgacha kuchli suv toshqini keltirib chiqargan.

• AQSh
• Tabiiy ofat
• Yevropa
• tabiat