Arxeologlar odatda vikinglarning bosh kiyimi sifatida tasvirlanuvchi ikki shoxli dubulgʻaning ushbu xalq vakillariga hech qanday aloqasi yoʻq ekanligini isbotlab berishdi. Shu tariqa ikki shoxli dubulgʻaning Skandinaviyada bronza davrida yashagan qabila boshliqlari kiygan degan taxminlar paydo boʻlgan.
1942-yilda Daniyadagi Vekse shahridagi botqoqdan ikki shoxli dubulgʻalar topilgan. Hududni oʻrganib chiqqan olimlar bu yerdan yogʻochdan yasalgan buyumlarni ham topib olishgan. Qadimiy buyumlarning tashqi koʻrinishidan kelib chiqqan tarixshunoslar ikki shoxli dubulgʻalar vikinglar tomonidan bronza davrida yaratilgan deya taxmin qilishgan.
“Koʻp yillar davomida Vekse dubulgʻalarining vikinglarga tegishli boʻlgani aytib kelingan. Aslida esa bunday emas. Bronza davriga tegishli boʻlgan ikki shoxli dubulgʻa tarixi Yaqin Sharqqa borib taqaladi”, deydi arxeolog Xelli Vandkilde.
Tarixshunos Vekse dubulgʻalari botqoqqa vikinglar bu yerga kelib oʻrnashishlaridan avval tushib ketganini taʼkidlab oʻtgan.
Olimlarning aytishlaricha, botqoqdan topilgan dubulgʻalar hech qachon harbiy yurishlar vaqtida kiyilmagan, sababi skandinavlar oʻsha davrlarda jangga dubulgʻa kiymasdan borishgan. Ammo, qabila boshliqlarining ushbu dubulgʻalarni hokimiyat timsoli sifatida kiyganliklari haqidagi taxmin saqlanib qolgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!