Asteroidlar shunchaki koinotdagi toshlar emas, ular qimmatbaho minerallarning potensial foydali konlaridir. Bitta muammo – ularni qazib olish usuli. 13 million dollar sarmoyani o‘ziga jalb qilishga muvaffaq bo‘lgan “Astroforge” buni hal qilishga harakat qilmoqchi.
Ilgari “SpaceX”, NASA va “Virgin Orbit” kompaniyalari asoschilaridan biri bo‘lgan tashkilotning asoschilari minerallarni tozalash innovasion texnikasini patentlagan. Ular undan platina guruhidagi metallar, jumladan, platina va iridiy ishlab chiqarish uchun foydalanishni rejalashtirmoqda.
Texnologiya haqida bir nechta tafsilotlar mavjud, ammo “Astroforge” samoviy jismlarga qo‘nishni rejalashtirmaydi. Resurslarni qazib olish uchun 20 metrdan 1,5 kilometrgacha bo‘lgan asteroidlardan foydalaniladi va bunday ob’yektlarda hatto tortishish maydonlari ham yo‘q.
Ishlab chiqaruvchilar kelasi yilning boshida maxfiy texnologiyani koinotda sinab ko‘rishni rejalashtirmoqda. Buning uchun “Astroforge” “Falcon 9” kemasida ularning rivojlanishi uchun joy ajratdi.
Shuningdek, ular mos orbitada joylashgan va platina guruhi metallarining to‘g‘ri konsentrasiyasiga ega bo‘lgan bir qator nomzod asteroidlarni aniqladilar.
Yana bir qancha kompaniyalar, xususan, “Google” asoschilaridan biri Larri Peyj tomonidan qo‘llab-quvvatlangan “Planetary Resources” va “Deep Space Industries” asteroidlarni qazib olishga urinib ko‘rdi, ularning har biri bu jarayonda millionlab dollarlarni yo‘qotdi. Ammo katta xavf-xatar va uzoq muddatlariga qaramay, “Astroforge” boshqalar muvaffaqiyatsizlikka uchragan joyda muvaffaqiyat qozonishni xohlaydi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!