Avstraliya bosh vaziri Skott Morrison jahonning birinchi raketkasi Novak Jokovichga 2022-yilgi Australian Open turnirida ishtirok etishi uchun tibbiy sertifikat kerakligini eslatib qo‘ydi.

Morrisonning so'zlariga ko'ra, agar mamlakat rasmiylari uning vaksinasiya qilinganiga ishonch hosil qilmasa, Jokovich "birinchi samolyotda uyiga qaytarilib yuboriladi".

“Novak Avstraliyaga kelganida emlanmagan bo'lsa, to'liq emlangan odamlar bilan bir xil sharoitlarda sayohat qilish uchun tibbiy sabablarga ko'ra emlash mumkin emasligi haqida maqbul dalillarni taqdim etishi kerak. Agar bu dalil yetarli bo‘lmasa, unga ham hamma kabi muomala qilinadi va u birinchi samolyotda uyiga uchib ketadi. Novak Jokovich uchun alohida qoidalar bo'lmasligi kerak. Bo'lmaydi ham” – deydi siyosatchi.

• Tennis