Avstraliya hukumati Rossiyaning Ukrainaga bostirib kirishi ortidan Putin hukumatiga yangidan-yangi sanksiya qo‘llayapti.

Tashqi ishlar vazirligi hukumat Donetsk va Lugansk xalq respublikalari, shuningdek, Zaporojye va Xerson viloyatlarining 28 nafar vakiliga, jumladan vazirlar va yuqori martabali amaldorlarga qarshi sanksiya qo‘llashga tayyorlanyapti.

Xususan, sanksiyalar yangi hududlarning Rossiya tarkibiga qoʻshilishi boʻyicha referendumlarni tashkil etish va oʻtkazishda ishtirok etgan shaxslarga nisbatan qoʻllaniladi.

Ma’lumot uchun, 23-27 sentyabr kunlari Donetsk va Lugansk xalq respublikalari, shuningdek, Zaporojye va Xerson viloyatlarida Rossiya tarkibiga kirish boʻyicha referendum oʻtkazildi.

Ularning aksariyat aholisi Rossiya Federatsiyasi tarkibiga kirishni yoqlab ovoz bergan.

Shuningdek, Juma kuni Rossiya prezidenti Vladimir Putin va Donetsk va Lugansk xalq respublikalari hamda Zaporojye va Xerson viloyatlari rahbarlari ushbu viloyatlarning Rossiya tarkibiga qo‘shilishi to‘g‘risidagi shartnomalarni imzolashgan.

• Avstraliya
• Rossiya
• Ukraina
• Yevropa Ittifoqi