Ayrim AYoQShlarda isteʼmolchilar haqidan har 10 litrda 10 millilitrdan 740 millilitrgacha urib qolinayotganligi aniqlandi.
Mazkur holat va shu kabi qator qonun buzilish holatlari “O‘zneftgazinspeksiya”ning joriy yil 25-28-may kunlari neft mahsulotlarini sotish bilan shug‘ullanuvchi 113 ta xususiy korxonaga qarashli 117 ta AYoQShda olib borgan nazorat tadbirlarida aniqlangan.
Qayd etilishcha, tadbirda umumiy miqdori 393 ming litr neft mahsulotlari bilan bog‘liq qonun buzilish holatlari aniqlangan.
Jumladan, AYoQShlar sig‘imlarida saqlanayotgan 2 million 408 ming litr neft mahsulotlaridan namunalar olinib, laboratoriya sharoitida tahlil etilganida 230 ming litr (10 foiz) mahsulot sifatsiz ekanligi, 150 ming litr kamomad va 13 ming litr ortiqchalikka yo‘l qo‘yilganligi, 43 ta holatda isteʼmolchilar haqidan har 10 litrda 10 millilitrdan 740 millilitrgacha urib qolinayotganligi aniqlangan.
Shuningdek, tadbir davomida AYoQShlarda 450 ga yaqin texnik va metrologik kamchiliklarga yo‘l qo‘yilganligi maʼlum bo‘ldi.
Respublika bo‘yicha aniqlangan qonun buzilish holatlarining asosiy qismi Andijon viloyati (94 ming litr), Surxondaryo viloyati (70 ming litr), Toshkent viloyati (44 ming litr), Namangan viloyati (38 ming litr), Sirdaryo viloyati (23 ming litr), Farg‘ona viloyati (39 ming litr), Toshkent shahri (18 ming litr), Jizzax viloyati (21 ming litr) va Samarqand viloyat (22 ming litr)lariga to‘g‘ri kelmoqda.
Aniqlangan qonun buzilish holatlari bo‘yicha rasmiylashtirilgan hujjatlar chora ko‘rish uchun huquqni muhofaza qilish organlariga yuborilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!