Belgiyalik yarim himoyachi Eden Azar Ispaniya chempionatining 15-turidan o‘rin olgan “Sevilya”ga qarshi o‘yinda “Real”ga yordam bera olmaydi. 

Bu haqda “qaymoqranglilar” ustozi Karlo Anchelotti OAV vakillari bilan suhbat chog‘ida ma’lum qilgan. “Eden bugun mashg‘ulotlarda qatnashdi, ammo gastroenterit uni bezovta qilmoqda. Shu sababdan u “Sevilya” bilan o‘ynay olmaydi”, - deydi italiyalik mutaxassis Marca nashriga bergan intervyusida.

Qayd etish kerak, bu Azarning gastroenterit tufayli o‘tkazib yuboradigan qatorasiga uchinchi o‘yini bo‘ladi.

Ma’lumot uchun, “Real” – “Sevilya” uchrashuvi 28-noyabr, yakshanba kuni Madridda bo‘lib o‘tadi.

• Futbol