“Barselona” va himoyachi Samuel Umtiti oʻrtasidagi yangi shartnoma tafsilotlari maʼlum boʻldi.
28 yoshli fransuz va kataloniyaliklar 2023-yilda tugaydigan shartnomani 2026-yilning yoziga qadar uzaytirishdi.
Yangi bitimda tomonlarda klubga ham, futbolchiga ham kelishilgan summani toʻlash sharti bilan 2023/24-yilgi mavsum boshlangunga qadar shartnomani bekor qilish imkonini beruvchi band bor.
Keltirilishicha, Samuel hali ham “Barsa”da qolib, asosiy tarkibga qaytish niyatida. Klub esa uzoq vaqtdan beri undan qutulmoqchi edi.
Yangi kelishuv doirasida futbolchi qolgan bir yarim yil uchun shartnoma boʻyicha unga tegishli boʻlgan maoshining bir qismini qisqartirilishiga rozi boʻlgan.
Bu amaliyot oʻz navbatida, “koʻk-anorranglilar”ga moliyaviy feyr-pleyga moslashish va shu qishda “Manchester Siti”dan sotib olingan yarimhimoyachi Ferran Torresni La Ligada roʻyxatdan oʻtkazish imkonini berdi.
Maʼlumot uchun, fransiyalik himoyachi joriy mavsum La Ligada 1 ta oʻyin oʻtkazishga muvaffaq boʻlgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!