“Manchester Siti” hujumchisi Ferran Torres bugun “Barselona” bilan shartnoma imzolamaydi. Bu haqda Eurofootball xabar bermoqda.

Qayd etilishicha, futbolchining seshanba kuniga belgilangan taqdimoti bekor qilingan.

Yangi futbolchining potensial shartnomasida ham, La Liganing feyr-pley qoidalarida ham muammolar paydo boʻlgan.

Dushanba kuni Torres tibbiy koʻrikdan oʻtishi va shartnoma imzolashi rejalashtirilgan edi.

Uning transferi taxminan 55 million yevroga baholanmoqda. Shu bilan birga, Serxio Aguero faoliyatini erta yakunlagani sababli, “Barselona” bu kelishuvni amalga oshirishi mumkin.

Maʼlumot uchun, 21 yoshli futbolchi joriy mavsumda 7 ta oʻyinda maydonga tushib, 3 ta gol, 2 ta assist muallifiga aylangan.

• Futbol
• Xorij