“Barselona” Chempionlar ligasi guruh bosqichining 6-turida “Bavariya”ga 0:3 hisobida imkoniyatni boy berib, Yevropa ligasiga tushib ketdi.

Shu tariqa, kataloniyaliklar turnirning pley-off bosqichiga ketma-ket 17 marta chiqishdan soʻng, ilk bor keyingi bosqichga chiqa olmadi.

“Koʻk-anorranglilar” seriyasi 2004/05-yilgi mavsumda, Lionel Messi oʻzining birinchi mavsumini asosiy jamoada oʻtkazgan paytda boshlangan va argentinalik klubni tark etganidan keyin birinchi mavsumda toʻxtadi.

UEFA Chempionlar Ligasi tarixida faqatgina “Real” ketma-ket 25 marotaba pley-offga yetib kelgan. “Qirollik klubi” bu safar ham 15 ochko bilan keyingi bosqich yoʻllanmasini hal etdi.

Endi “Barsa” soʻnggi 17 yil ichida birinchi marta Yevropa ligasida oʻynaydi.

• Futbol
• Sport
• Xorij