Madridning “Real” klubi yetakchi hujumchisi Karim Benzema kecha Ispaniya chempionati doirasidagi “Elche”ga qarshi oʻyinda (2:2) jarohat oldi.

Fransiyalik futbolchi ikkinchi boʻlimda ehtiyot chorasi sifatida almashtirildi.

Cadena Ser jurnalistlariga maʼlum boʻlishicha, 34 yoshli toʻpurarning tizzasidan jarohati borligi aniqlangan.

Yaqin orada u qoʻshimcha tibbiy koʻrikdan oʻtadi va bu koʻrikda futbolchining qancha muddat kasalxonada qolishi aniqlanadi.

Maʼlumot uchun, Benzema joriy mavsum La Ligada 21 ta oʻyinda maydonga tushib, 17 ta gol (2 tasi penaltidan) va 7 ta golli uzatmani amalga oshirishga muvaffaq boʻlgan.

• Futbol
• Xorij