Ertaga Uels terma jamoasi JCh saralash bahsi doirasida Belgiyaga qarshi bahs olib boradi. 

Qayd etilishicha, uchrashuvni uelsliklar hujumchisi Garet Beyl o‘tkazib yuboradi. Bu haqda terma jamoa bosh murabbiyi Robert Peyj ma’lum qiladi.

“Beyl ertaga asosiy tarkibda o‘ynamaydi. Biz bu haqda u lagerga kelganida taxmin qilgan edik. Rejaga ko‘ra, Beyl ikkinchi bo‘limda maydonga tushishi kutilyapti.

Uning bir-ikki oy davomida maydonga tushmayotganini hisobga olsak, ilk daqiqalaridanoq maydonga tushirish jismoniy nuqtai nazardan noto‘g‘ri bo‘lardi”, - deydi murabbiy.

Ma’lumot uchun, Uels terma jamoasi jahon chempionatida ishtirok etish uchun pley-offda bahs olib boradi. Jamoa ertangi uchrashuv natijasidan qat’i nazar birinchi o‘rinni egallay olmaydi.

• Futbol