“Microsoft” kompaniyasining 66 yoshli asoschisi Bill Geyts koronavirus pandemiyasi qachon butunlay tugashi mumkinligi haqida soʻz yuritdi. Uning aytishicha, agar virusning yangi shtammlari paydo boʻlmasa, kelgusi yilning oʻrtalariga kelib COVID-19 ga chalinish va undan vafot etish koʻrsatkichlari keskin kamayadi.

Geyts bunga odamlardagi tabiiy immunitet, shuningdek aholini emlash sabab boʻlishini aytib oʻtgan. Millioner yangi pandemiyaning oldini olish uchun gripp bilan faol kurashish kerakligini taʼkidlagan.

Shuni qayd etish kerakki, koronavirus pandemiyasida Bill Geytsning qoʻli bor deydiganlar ham yoʻq emas. U 2015-yilda insoniyat taqdiriga xavf soluvchi virus paydo boʻlishi haqida gapirgan va jamoatchilikni bunga tayyor boʻlishga undagan edi. Uning aynan mana shu fikrlari Bill Geytsning virusni yaratish va uni tarqatishda bevosita ishtirok etgani haqidagi taxminlarni keltirib chiqargan.

• koronavirus
• qiziqarli
• salomatlik