Kanadalik xonanda The Weeknd'ning “Blinding Lights” treki “Billboard” jurnali versiyasiga koʻra barcha davrlarning eng yaxshi qoʻshigʻi deb tan olindi.
Mazkur singl “Hot 100” chartidagi birinchilikni egallab turgan 1960 yillar xiti “The Twist“ni ortda qoldirgan. “The Twist” qoʻshigʻi amerikalik xonanda Chabbi Chekerga tegishli boʻlgan.
Maʼlum boʻlishicha, The Weeknd'ning “Blinding Lights” treki chartdagi oʻrnini 90 hafta davomida boy bermay kelgan, bu rekord natija hisoblanadi.
“Billboard” musiqiy jurnali 63 yildan beri har haftada AQShdagi eng mashhur 100 ta qoʻshiq xit-paradini eʼlon qilib keladi. Shuningdek, vaqti-vaqti bilan tarixdagi eng mashhur qoʻshiqlar reytingini yangilab turadi.
Maʼlumot uchun, The Weeknd (Abel Tesfay) “Blinding Lights” taronasini 2019 yilning 29 noyabr kuni taqdim etgan. Qoʻshiq uchun ishlangan klip “YouTube” platformasida 519 millionta obunachi tomonidan koʻrilgan, trek esa “Spotify” servisidan 2,6 milliard marta yuklab olingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!