Bloger va tadbirkor Diyora Usmonova joriy yil boshida bir nechta bolani oʻz vasiyligiga olish niyati borligi haqida aytib oʻtgandi. Oradan koʻp vaqt oʻtmay u oʻz istagini amalga oshirdi va uch farzandning onasiga aylandi.

Bloger 33 yoshga toʻlishi munosabati bilan ushbu xabarlarni ijtimoiy tarmoqdagi kuzatuvchilariga yetkazgan. Usmonovaning aytishicha, Oisha ismli 5 yoshli qizaloqni asrab olgan.

U farzand asrab olish koʻpchilik oʻylaganidek qoʻrqinchli emasligi, kimnidir baxtli qilish hayotni mazmun bilan toʻldiruvchi his ekanligini taʼkidlab oʻtgan. U aynan mana shunday qadam tashlash arafasida turgan insonlarga qoʻrqmaslikni tavsiya qilgan.

Tadbirkor qizaloqni asrab olish jarayonida uni turmush oʻrtogʻi, ota-onasi va singlisi qoʻllab-quvvatlaganini alohida taʼkidlagan.

Maʼlumot uchun, Diyora Usmonova Oʻzbekistonning birinchi xonimi Ziroatxon Hoshimovaning jiyani, bloger va taniqli tadbirkor, bir nechta brendlar asoschisi. Uning Alisher Usmonovning marhum jiyani Bobur Usmonovdan Maryam ismli qizi, ikkinchi turmushidan Ikrom ismli oʻgʻil farzandi bor.

• mashhurlar