Bolgariya prezidenti Rumen Radev Ukrainaga qurol-yarog‘ va boshqa harbiy yordam yetkazilishiga qarshi chiqdi. Bu haqida “TASS” axborot agentligi xabar bermoqda. 

Ma’lum qilinishicha, 27-aprel, chorshanba kuni davlat rahbari jurnalistlarning Kiyevga harbiy yordam ko‘rsatishga oid savoliga javob bergan. 

“Ukrainaga harbiy yordam ko‘rsatilmaydi. Bu Bolgariyaning ushbu mojaroga qo‘shilishi yo‘lidagi qadamni anglatadi”, - deya ta’kidlagan Radev.

Bolgariya prezidentning so‘zlariga ko‘ra, Ukrainada tinchlik o‘rnatishga chaqiriqlar asta-sekin so‘nib bormoqda va endi ular jangari ritorika bilan almashtiriladi. 

Ma’lumot uchun, joriy yil mart oyi boshida Vengriya Ukraina inqiroziga aralashmaslik niyatida ekanini va Ukrainaga qurol yetkazib bermasligini ma’lum qilgan edi.

• Bolgariya
• Harbiy
• Rossiya
• Ukraina