Joriy yilning 28–29-may kunlari Bolgariyaning Burgas viloyati Ruin shaharchasida Oʻzbekiston Respublikasi Prezidenti sovrini uchun mukofot jamgʻarmasi 25 ming yevrodan iborat boʻlgan, kurash boʻyicha xalqaro turnir tashkil etildi.
Musobaqaning tantanali ochilish marosimida oʻzbek kurashi Olimpiya oʻyinlariga kirish uchun yaxshi imkoniyatlarga ega ekanligini ham eʼtirof etish barobarida Bolgariya tomoni bu yoʻlda biz bilan hamfikr ekanini aytib oʻtishdi.
Kurash boʻyicha xalqaro turnirda 20ga yaqin davlatdan 100 nafarga yaqin saralangan sportchilar ishtirok etdi. Eng qizgʻin bahslar erkaklar oʻrtasida +90 kg vazn toifasida kechdi.
Unda gʻoliblik uchun bir emas, kamida uch nafar munosib nomzod bor edi. Bular — kurash boʻyicha Osiyo oʻyinlari gʻolibi, qitʼa va jahon chempioni Muhsin Hisomiddinov, rumin Iliye Daniel Natea, bolgariyalik Ashim Aylin edi.
Murosasiz kechgan bellashuvlar yakunida finalga Muhsin va Natea chiqib keldi va 198 kilo tosh bosgan, ruminiyalik sportchi Iliye gʻalaba qozonib, bosh sovrinni qoʻlga kiritdi.
Musobaqa Nizomiga koʻra gʻoliblar 2500 yevro, 2-oʻrin sohibi 1500 yevro, ikkita 3-oʻrin egalari esa 500 yevrodan pul mukofoti bilan taqdirlandi.
Oʻzbekiston Respublikasi Prezidenti sovrini uchun xalqaro turnir gʻolib va sovrindorlari:
Ayollar
-63 kg
1. Olga Drix (Ukraina),
2. Evilina Nikolova (Bolgariya),
3. Eleonora Soatova (Oʻzbekiston),
3. Malika Qahhorova (Oʻzbekiston).
+63 kg
1. Yelizaveta Litvinenko (Ukraina),
2. Gabriella Gigova (Bolgariya),
3. Gulasal Haydarova (Oʻzbekiston),
3. Mariya Oreshkova (Bolgariya),
Erkaklar
-73 kg
1. Bozidar Temelkov (Bolgariya),
2. Konstantinos Kalatidis (Gresiya),
3. Antoniy Bitzamov (Gresiya),
3. Nikolay Graxmes (Moldova),
-90 kg
1. Rumen Radev (Bolgariya),
2. Vitaliy Sherel (Ukraina),
3. Ivan Stafanov (Bolgariya),
3. Pol Silviu Balavan (Ruminiya),
+90 kg
1. Iliye Daniel Natea (Ruminiya),
2. Muhsin Hisomiddinov
(Oʻzbekiston),
3. Xusayn Xusayn (Bolgariya),
3. Ashim Aylin (Bolgariya).
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!