Kecha, 4-sentabr kuni Buxoro shahrida “Tenge” bankka tegishli bankomatlarda yong‘in kelib chiqqan. Bu haqda viloyat Favqulotda vaziyatlar boshqarmasi axborot xizmati xabar berdi.

Ma’lum qilinishicha, shaharning Do‘stlik mahallasida soat 20:14 da viloyat Favqulodda vaziyatlar boshqarmasi navbatchilik dispetcheriga bankomatlarda yong‘in chiqqani to‘g‘risida xabar kelib tushgan. Yong‘in oqibatida qurilmaning 24 kvadrat/metr tom va devor plastik qoplamalari yongan. Voqea joyiga 2 ta qutqaruv avtoekipajlari jalb etilib, soat 20:17 da u yerga yetib borgan va 20:28 da to‘liq o‘chirilgan.

Shuningdek, yong‘indan bankomatlar qurilmasining 20 kvadrat/metr maydoni va “Tenge” bankga qarashli bankomatlar to‘liq (4 dona) saqlab qolingan. Birlamchi ma’lumotga ko‘ra yong‘inning kelib chiqish sababi elektr simlarining qisqa tutashuvi deb taxmin qilinmoqda. Hozircha moddiy zarar aniqlanmagan. Yong‘in oqibatida fuqarolarning kuyish va tan jarohati olish holatlari kuzatilmagan.

• Bank
• Buxoro
• yong‘in