Changʻi poygasi boʻyicha Fransiya va Sloveniyadagi Jahon kubogi bahslari oʻtkazilmaydi.

Soʻnggi kunlarda butun dunyoda koronavirus bilan bogʻliq vaziyat yanada avj olayotganligi tufayli Yevropaning qator shaharlarida ayrim musobaqalar bekor qilinmoqda.

Jumladan, changʻi poygasi boʻyicha Fransiya va Sloveniyadagi ikki bosqich oʻtkazilmaydigan boʻldi. Bu haqida musobaqa tashkilotchilari va mahalliy hukumat vakillari qaror qabul qilishdi.

Shu tariqa, kelasi oy boʻlib oʻtadigan qishki Olimpiya oʻyinlarigacha changʻi poygasi boʻyicha Jahon kubogi bahslari boʻlmaydi. Olimpiada kvotalari ham hozirgi holat boʻyicha taqsimlanadi.

Ayni paytgacha umumiy hisob quyidagi koʻrinishda

Erkaklar:

1. Yuxannes Klebu (Norvegiya) – 1183 ochko

2. Aleksandr Bolshunov (Rossiya) – 815

3. Erik Valnes (Norvegiya) – 527

Ayollar:

1. Natalya Nepryayeva (Rossiya) – 843

2. Ebba Anderson (Shvetsiya) – 648

3. Jessi Diggins (AQSh) – 622

Millatlar kubogi, erkaklar:

1. Norvegiya – 3374

2. Rossiya – 2697

3. Fransiya – 1148

Ayollar:

1. Shvetsiya – 2623

2. Norvegiya – 2250

3. Rossiya – 1785

• Jahon
• Sport