22°
Kechasi 10°
Chexiya Respublikasi Ukrainaga piyoda jangovar mashinalari va T-72 tanklarini yetkazib berdi.
Bu haqda Chexiya parlamentining Yevropa ishlari bo‘yicha qo‘mitasi rahbari Ondrey Benesik ma’lum qildi.
“Chexiya Ukrainaga piyodalarining jangovar mashinalari va T-72 tanklarini yetkazib berdi. Mudofaa vaziri Yana Chernoxova katta maqtovga loyiq, hozir mashaqqatli jang qilayotgan Ukraina armiyasiga aynan shu narsa kerak. Men ishonamanki, buni amalga oshirsa bo‘ladi”, - dedi Benesik.
O‘z navbatida, Chexiya mudofaa vaziri Yana Chernoxova tanklar va piyodalar jangovar mashinalari yetkazib berilishini tasdiqlamadi va Chexiya Ukrainaga asosiy harbiy materiallarni jo‘natayotganini ta’kidladi.
“Qiziqish insonga xosdir va biz Ukrainaga nima yetkazib berayotganimizni bilmoqchi bo‘lganlarni tushunaman. Kechirasiz, ko‘p gapira olmayman... Ishoning, biz ukrainalik do‘stlarimizga asosiy harbiy materiallarni yubormoqdamiz. Va biz shunday buni davom ettiramiz”, - deb ta’kidladi Chexiya vakili.
Aniqlanishicha, Chexiya Ukrainaga o‘z armiyasi tomonidan foydalanilmaydigan tanklar va piyoda jangovar mashinalarni yuborgan.
Shuningdek, eski T-72 tanklari Ukrainaga temir yo‘l orqali yuboriladi.
Ma’lumot uchun, Chexiya armiyasining omborlarida ushbu tanklarning 90 ga yaqin nusxalari bor edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
