Ayni kunlarda Indoneziyada chim ustida xokkey boʻyicha ayollar oʻrtasida Xanchjou-2022 Osiyo oʻyinlari uchun saralash musobaqasi boʻlib oʻtmoqda.

Unda ishtirok etayotgan qizlarimiz muddatidan avval Osiyo oʻyinlariga yoʻllanma olishdi.

Bugun jamoamiz Kambodja ustidan yirik 8:0 hisobida gʻalaba qozondi. Bu gʻalaba bilan xokkeychi qizlarimiz muddatidan avval Xanchjou-2022 yoʻllanmasiga sazovor boʻlishdi.

Reglamentga koʻra, aylana tizimda oʻtayotgan litsenzion turnirda kuchli oltitalikka kirgan jamoalar boʻlajak Osiyo oʻyinlarida ishtirok etish huquqini qoʻlga kiritishadi.

Shu tariqa, jamoamiz turnir yakunlanishidan 1 tur avval oldinga qoʻyilgan vazifani uddaladi. Xokkeychi qizlarimizning musobaqada qayd etib kelayotgan natijalari bilan tanishing:

1-tur: Oʻzbekiston – Gonkong 0:4

2-tur: Oʻzbekiston – Qozogʻiston 0:2

3-tur: Oʻzbekiston – Indoneziya 2:1

4-tur: Oʻzbekiston – Singapur 0:2

5-tur: Oʻzbekiston – Kambodja 8:0

6-tur: Oʻzbekiston – Shri-Lanka (14-iyun)

Eslatib oʻtish mumkin, oʻtgan oy ushbu sport turida Oʻzbekiston erkaklar jamoasi Tailandda oʻtgan kvalifikatsion musobaqa orqali ilk bor Osiyo oʻyinlari yoʻllanmasiga ega boʻlgan edi.

Shu tariqa, Parij-2024 Olimpiadasi uchun litsenzion xarakterga ega boʻlgan Xanchjou-2022da chim ustida xokkey boʻyicha ham erkaklar, ham ayollar jamoalarimiz yurtimiz sharafini himoya qiladi.

• O‘zbekiston
• Sport