Reyting karvonboshisi Davlat Bobonov 10 000 dollarga ega boʻldi.
Xalqaro dzyudo federatsiyasi (IJF) 2021-yilni reyting peshqadami sifatida yakunlagan 14 nafar dzyudochiga mukofot tariqasida 10 000 AQSh dollari taqdim etdi. Bu haqda Dzyudo federatsiyasi maʼlum qildi.
Qayd etilishicha, IJF shu yoʻl bilan 14 ta vazn toifasida Olimpiada yilini birinchi oʻrinda yakunlagan dzyudochilarni taqdirlashga qaror qildi. Pul mukofotiga ega chiqqanlar orasida Tokio Olimpiadasining bronza medali sovrindori oʻzbekistonlik Davlat Bobonov ham bor. Hamyurtimiz -90 kg. vazn toifasi reytingida birinchi oʻrinni egallab turibdi.
Keltirilishicha, dzyudo vatani hisoblangan Yaponiyadan hech kim oʻz vaznida 2021-yilni peshqadam sifatida yakunlay olmagan. Reyting karvonboshisi sifatida pul mukofotiga toʻrt nafar fransuz, ikki nafardan gruzin, rus va kosovolik, bir nafardan Xitoy Taypeyi, Janubiy Koreya, Xorvatiya va Oʻzbekiston vakili ega boʻlgan.
2021-yil oʻz vazn toifalari boʻyicha reyting peshqadamlari:
Erkaklar
-60 kg: Yang Yung Vey (Xitoy Taypeyi) 5 140 ochko
-66 kg: An Baul (Janubiy Koreya) 5 240 ochko
-73 kg: Lasha Shavdatuashvili (Gruziya) 5 475 ochko
-81 kg: Tato Grigalashvili (Gruziya) 6 592 ochko
-90 kg: Davlat Bobonov (Oʻzbekiston) 7 536 ochko
-100 kg: Arman Adamyan (Rossiya) 5 420 ochko
+100 kg: Tamerlan Bashayev (Rossiya) 6 250 ochko
Ayollar
-48 kg: Distria Krasniki (Kosova) 5 920 ochko
-52 kg: Amandin Bushar (Fransiya) 5 890 ochko
-57 kg: Nora Gjakova (Kosova) 5 880 ochko
-63 kg: Klarisse Agbegnenou (Fransiya) 7 200 ochko
-70 kg: Barbara Matich (Xorvatiya) 5 595 ochko
-78 kg: Madelin Malonga (Fransiya) 5 940 ochko
+78 kg: Roman Diko (Fransiya) 6 450 ochko
Maʼlumot uchun, 2022 yilgi dzyudo mavsumi Portugaliya Gran-prisi bilan boshlanadi. Odivelash shahri mezbonlik qiladigan ushbu turnir 28-30 yanvar kunlari boʻlib oʻtadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!