“Liverpul”ning sobiq yarim himoyachisi Jon Barnsning fikricha, “Liverpul” jamoasi “Barselona” vingeri Usman Dembeleni sotib olishi kerak.

“Agar uning jismoniy holati normal boʻlsa, Dembele fantastik transfer boʻlardi. U qanday holatda ekanligini bilmayman, lekin u “Liverpul”ga juda mos tushadi. U toʻp bilan tezkor, mahoratli va tajovuzkor.

“Liverpul”ning oldingi uchligi aynan shunday. U Mane va Salahning qisqa muddatli oʻrnini bosadigan mukammal futbolchi boʻlardi.

Ularning ikkalasi ham tez orada 30 yoshga toʻladi. Dembele esa hali yosh, shuning uchun ham u uzoq muddatda yaxshi oʻrinbosar boʻlishi mumkin.

Bu shunchaki vaqtinchalik kelishuv boʻlmaydi. Men uni Firmino yoki Mane jarohat olgan yoki yomon oʻyin koʻrsatgan paytda ularning oʻrniga oʻynay oladigan Jota bilan bir xilda koʻraman. Dembele ajoyib xarid boʻlardi”, — dedi Barns.

Qayd etish mumkin, 24 yoshli fransuzning shartnomasi shu yozgacha amal qiladi va hozircha tomonlar uni uzaytirish borasida kelisha olishmayapti.

Maʼlumot uchun, fransiyalik hujumchi “Barsa” bilan barcha musobaqalarda 128 oʻyin oʻtkazib, 31 gol, 23 assistga mualliflik qilgan.

• Futbol
• Xorij