Bugun, 29-noyabr kuni ijtimoiy tarmoqlarda Toshkent shahar Uchtepa tumani deputati daraxtlarni kesish bo‘yicha dalolatnomaga muhr bosishni istamagan mahalla raisini so‘kkani tasvirlangan video tarqaldi.
Ma’lum bo‘lish, videodagi holat joriy yilning 28-noyabr kuni tasvirga olingan. Deputat Ulug‘bek Hamidov ekani aytilayotgan shaxs Yunusobod tumanida joylashgan “Tiklanish” mahallasi ofisiga kelgan. U yerda erkak bino qurilishiga xalaqit berayotgan daraxtlarni kesish bo‘yicha hujjatga muhr bostirishni rejalashtirgan.
Shundan keyin mahalla raisi bilan telefon orqali bog‘langan. Mahalla raisi muhr bosishni istamasligini aytgan. Buning o‘rniga u deputatga “yagona darchaga” murojaat qilishni maslahat bergan.
Ma’lumot uchun, Ulug‘bek Hamidov — Xalq demokratik partiyasiga 5-Foziltepa okrugidan saylangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!