Fransiyaning “Christian Dior” modalar uyi katta janjallarga sabab bo‘lgan va Shanxay shahridagi “Lady Dior” ko‘rgazmasida namoyish etilgan surat uchun xitoyliklardan uzr so‘radi.
Ko‘rgazmada osiyolik qizning qo‘lida sumka tutib turgan surati namoyish etilgan, bu holat OAV hamda ijtimoiy tarmoq foydalanuvchilarining tanqidlariga sabab bo‘lgan. Xitoyliklar mamlakat hududida yashovchi ayollarning modalar uyi tomonidan xunuk qiyofada aks ettirilganidan g‘azab otiga minishgan. Shundan keyin surat rasmiy saytdan ham, ko‘rgazmadan ham olib tashlangan.
"Dior" har doimgidek Xitoy xalqining his-tuyg‘ularini hurmat qiladi, Xitoy qonunchiligiga qat’iy rioya etadi. Agar biror xatoga yo‘l qo‘yilgan bo‘lsa, biz har doim fikrlarni tinglashga, keyin esa xatoni o‘z vaqtida to‘g‘rilashga tayyormiz", deb yozgan modalar uyi rahbariyati.
Xitoylik fuqarolar taniqli brendlar Xitoy ayollarini suratdagi qiz kabi qiyofada tasavvur etishlaridan norozi bo‘lishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!