AQShning sobiq prezidenti Donald Tramp Buyuk Britaniyaning eng mashhur juftliklaridan biri — shahzoda Qarri va Megan Marklning tez orada ajrashib ketishlarini “bashorat qildi”. Milliarderning fikricha, ajrimga bir nechta omillar sabab boʻlishi mumkin.

Donald Tramp Megan Marklning istalgan vaqtda turmush oʻrtogʻini tashlab ketishi mumkinligini aytib oʻtgan. Trampning fikricha, ajrim qarori shahzoda Garridan ham chiqishi mumkin, boisi “uning ustidan hukmronlik qilishlari” kun kelib shahzodani albatta, bezdiradi. “Men ilk kunlardanoq ularning qirollik oilasi va qirolicha Yelizaveta II ga nisbatan qanchalar hurmatsizlik bilan munosabatda boʻlayotganlarini tushunganman”, deydi Tramp.

Milliarder prezident sifatida faoliyat olib borish jarayonida Buyuk Britaniya qirolichasi va qirollik oilasining boshqa aʼzolari bilan shaxsan tanishishga ulgurgan. Qirolichaning nabirasi shahzoda Qarri rafiqasi Megan Markl bilan mamlakatni tark etganidan beri Tramp oʻz intervyularida ushbu juftlikka nisbatan qanday munosabatda ekanligini tinmay takrorlab keladi. Siyosatchi Britaniya qirolichasiga juftlikni barcha unvonlardan mahrum qilishni maslahat bergan.

“Men aksariyat holatlarda qirolichani tushunaman, ammo ayrim vaziyatlarda uning fikriga qoʻshilmayman. Oʻylashimcha, u shahzoda Garrining qaroridan xabar topgach: “Agar bu sening qaroring boʻlsa, uni qabul qilaman, ammo endi sening hech qanday unvoning yoʻq” deyishi kerak edi.

Yelizaveta II har doim oʻz mamlakatiga sodiq boʻlgan va shunday boʻlib qoladi. Ammo, Sasseks gersogi va gersoginyasi Buyuk Britaniya va barcha britaniyaliklarga nisbatan behurmat munosabatlarini namoyish etishdi. Axir, Britaniya – buyuk mamlakat", deydi Tramp.

• Britaniya
• Buyuk Britaniya
• Tramp
• mashhurlar