Bugun, 17-dekabr kuni Puerto-Rikoda oʻtkazilishi kerak boʻlgan “Dunyo goʻzali” tanlovining final bosqichi koronavirus pandemiyasi tufayli bekor qilindi. Bunga tanlov ishtirokchilarining bir nechtasida koronavirus infeksiyasi aniqlangani sabab boʻlgan.

“Dunyo goʻzali-2021” tanlovi ishtirokchilarini kuzatishi kerak boʻlgan virusologlar va tibbiy ekspertlar bilan uchrashib, shuningdek Puerto-Riko Sogʻliqni saqlash vazirligi bilan maslahatlashib, tanlovning final bosqichini keyinroqqa qoldirish qarori qabul qilindi”, deyiladi xabarda.  

Virus aniqlangan ishtirokchilar karantinga joylashtirilgan. Ular tez kunlarda qoʻshimcha testlar topshiradilar va toʻliq tuzalib ketganlaridan keyin mamlakatni tark etishlari mumkin boʻladi. 

Tanlovning final bosqichi kelgusi 90 kun ichida oʻtkazilishi rejalashtirilmoqda.

• mashhurlar
• tanlov