Bugun Toshkentdagi “Yunusobod” sport majmuasida dzyudo boʻyicha kattalar oʻrtasida yilning soʻnggi musobaqasi – Oʻzbekiston chempionatiga start beriladi. Bu haqda Dzyudo federatsiyasi xabar berdi.

Qayd etilishicha, ushbu musobaqada Qoraqalpogʻiston Respublikasi, barcha viloyatlar hamda Toshkent shahridan jami 550 nafarga yaqin dzyudochi chempionlik uchun oʻzaro bellashadi.

Oʻz navbatida, bugun mazkur turnirning birinchi kungi bellashuvlari doirasida erkaklar oʻrtasida -60 kg va -66 kg, ayollar orasida esa -48 kg, -52 kg va -57 kg vazn toifalarida gʻolib va sovrindorlar nomi maʼlum boʻladi.

Keltirilishicha, chempionatning saralash bellashuvlari har kuni soat 10:00 da, final bahslari esa 17:00 da boshlanadi. Musobaqaning tantanali ochilish marosimi ertaga soat 16:30da boʻlib oʻtadi. Muxlislarning arenaga kirishi bepul.

• O‘zbekiston
• Sport