Bugun, 22- avgust kuni Toshkent metrosining Xalqlar do‘stligi bekatida poyezd to‘xtab qoldi. Bu haqda Metropoliten axborot xizmati xabar berdi.

Ma’lum qilinishicha, soat 05:55 da 11-sonli harakat tarkibi 2-yo‘nalish bo‘ylab Xalqlar do‘stligi bekatiga kirib kelgan. Kontakt relsida kuchlanishning pasayishi oqibatida mashinist yo‘riqnomaga asosan poyezdni harakatdan to‘xtatgan.

“Energonozimi tomonidan zaxira qurilmalari orqali kontakt relsiga yuqori kuchlanish berilgan va harakat tarkibi harakatlanishda davom etgan. Hozirda poyezdlar harakati doimiy jadval asosida davom etmoqda”, — deyiladi munosabatda.

Bundan avval, Toshkent metropolitenining “Xalqlar do‘stligi” va “Milliy bog” bekatlari oralig‘ida poyezd to‘xtab qolgani haqida xabar berilgan edi..

• Metro
• Metropoliten