Aholini kasb-hunarga o‘qitish va monomarkazlar faoliyatini takomillashtirishga doir videoselektor yig‘ilishida Prezident o‘qitishning dual taʼlim shakliga to‘xtalib o‘tdi.
Qayd etilishicha, hozirda respublika bo‘yicha 57 ta professional taʼlim muassasasida Germaniya tajribasi asosida ish joyida o‘qitishning dual taʼlim shakli yo‘lga qo‘yilgan.
Maktabgacha taʼlim tizimida bu o‘z natijasini bergani taʼkidlandi – pedagogika kolleji o‘quvchilari 2 kun nazariy bilimlarni kollejda oladi, qolgan 4 kun esa bog‘chalarda amaliyot o‘taydi va ishlab, oylik oladi.
Viloyat hokimlari Oliy taʼlim vazirligi bilan birgalikda ushbu ijobiy tajribani kasb-hunar maktablari va texnikumlarda yo‘lga qo‘yish topshirildi.
Unga ko‘ra, endilikda:
– dual taʼlimni joriy etish uchun kasb-hunar maktablarining bo‘sh maydonlarida korxonalarning ishlab chiqarish sexlari tashkil etiladi. Bunda, o‘quvchilar ushbu korxonada ishlab, oylik oladi;
– korxonadagi ustozlarga asosiy ish haqidan tashqari, Bandlikka ko‘maklashish jamg‘armasidan qo‘shimcha ustama to‘lanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!