Turkiya prezidenti Rajab Toyyib Erdo‘g‘on G‘arb davlatlari Ukrainaga yetkazib berayotgan qurollarni “metallolom” deb atadi. Bu haqda u Belgradda Serbiya prezidenti Aleksandr Vuchich bilan muzokaralar yakunlari bo‘yicha o‘tkazilgan matbuot anjumanida aytib o‘tgan.

“Men G‘arbning (Rossiya Federatsiyasi va Ukraina o‘rtasidagi urush bo‘yicha) pozitsiyasining noto‘g‘ri ekanligini ochiq aytaman. Chunki G‘arbning harakatlari tomonlarni provokatsiya qilishga asoslangan. Ular Ukrainaga qurol-yarog‘ jo‘natishayotganini aytishmoqda. Vaholanki, G‘arbda qancha eskirgan qurollar va metallolomlar bo‘lsa, Ukrainaga jo‘natilyapti”,— deydi Prezident.

Uning qo‘shimcha qilishicha, AQSh va Yevropa Ittifoqining Ukraina masalasidagi siyosati to‘g‘ri emas.

“Men G‘arbning (Rossiya Federatsiyasi va Ukraina o‘rtasidagi urush bo‘yicha) pozitsiyasining noto‘g‘ri ekanligini ochiq aytaman. Chunki G‘arbning harakatlari tomonlarni provokatsiya qilishga asoslangan. (Rossiya-Ukraina urushi) juda qisqa vaqt ichida tugaydiganga o‘xshamaydi. Rossiyani past baholaganlarga aytaman, siz noto‘g‘ri qilyapsiz”,— deydi Erdo‘g‘an.

• Erdogʻan
• G'arb
• Qurol
• Turkiya
• Ukraina
• Yevropa Ittifoqi