22°
Kechasi 10°
O‘zbekistonga tashrif buyuruvchi sayyohlar va mahalliy aholi uchun qulaylik yaratish, mamlakatda ichki turizmni rivojlantirish maqsadida 2022-yilning 4-may kunidan “Farg‘ona-Urganch-Farg‘ona” yo‘nalishidagi aviaqatnov qayta yo‘lga qo‘yildi. Bu haqda Turizm va madaniy meros vazirligi xabar berdi.
Ta’kidlanishicha, bu ishlar joriy yilning 26-aprel kuni Prezident Shavkat Mirziyoyev raisligida turizm xizmatlari ko‘lamini kengaytirish va infratuzilmasini rivojlantirish chora-tadbirlari bo‘yicha bo‘lib o‘tgan videoselektor yig‘ilishida “Farg‘ona-Urganch-Farg‘ona” yo‘nalishida aviaqatnovlarni yo‘lga qo‘yishga doir bergan topshirig‘i natijasida amalga oshirilgan.
Qayd etilishicha, 11-may kuni esa Farg‘ona viloyatining bir necha tumanlaridan yig‘ilgan sayyohlar Farg‘ona xalqaro aeroportidan Urganch shahriga uchib ketishgan. Bu guruh “Vodiy sayyoh” turizm agentligi tomonidan tashkil etilgan bo‘lib, asosan o‘qituvchi va murabbiylardan iborat. Jami 50 nafarlik sayyohlar guruhi 6 kun davomida Xorazm viloyatining Urganch, Xiva va Qoraqalpog‘iston Respublikasining Nukus hamda Mo‘ynoq shaharlaridagi diqqatga sazovor joylar, muzeylar va boshqa obyektlarni tamosha qilishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
