Farzandingiz uchun to‘g‘ri keladigan maktabgacha ta’lim tashkilotini qidirish ham ruhan, ham jismonan murakkab jarayon hisoblanadi. Ayniqsa, oldin bu holatni boshdan kechirmagan bo‘lsangiz. Quyidagi 7 muhim qoida bilan tanishib, farzandingiz va o‘zingiz uchun mos ta’lim muassasasini tanlang.

Iloji boricha ko‘proq bog‘chalarni aylaning

Agar siz allaqachon o‘zingizga yoqqan bog‘chani tanlagan bo‘lsangiz ham, u yerga boradigan boshqa bolani bilsangiz yoki aynan shu ta’lim muassasasi haqida yaxshi gaplarni eshitgan bo‘lsangiz ham, barcha mahalliy bog‘chalarga tashrif buyuring. Qanchalik ko‘p bog‘chalarni ko‘zdan kechirsangiz, sizda shunchalik to‘g‘ri savollar tug‘iladi va yuzaga kelishi mumkin bo‘lgan kamchiliklarni aniqlay olasiz.

Oila a’zolaringiz va do‘stlaringiz bilan maslahatlashing

Biror bir tanishingizning farzandi aynan siz istagan bog‘chada tarbiyalansa, ulardan xolis fikrlarini so‘rang. Albatta avvaliga maqtashlari mumkin, shu bilan birga u yerdagi muammolar bilan ham bo‘lishmay qolishmaydi. Bu esa sizga diqqatingizni jamlash va tashrifingiz davomida beradigan savollaringizni aniqlab olish imkonini beradi. Agar sizning ijtimoiy davrangizda bolalar bog‘chasida ishlaydigan yoki uni boshqaradigan tanishingiz bo‘lsa, nimaga e’tibor berish kerakligi hamda siz istagan muassasasa to‘g‘risida qanday ma’lumotga ega ekanliklari haqida so‘rang.

Tashrif vaqtingizni avvaldan kelishib oling

Bolalar bog‘chalarini ko‘zdan kechirish farzandingiz o‘ynaydigan, uxlaydigan va ovqatlanadigan muhitni his qilish uchun juda muhim hisoblanadi. Ba’zi bog‘chalari sizdan bolalar uxlagan vaqtda kelishingizni so‘rashi mumkin, ammo imkoni bo‘lsa, to‘liq jarayonni ko‘rish uchun kun davomida tashrif uyushtiring. Bolalar xonasida ko‘proq vaqt sarflab, qulayliklarga e’tibor bering. Agar biror narsa sizga yoqmasa, uni o‘zgartirish iloji bor yo‘qligini so‘rashingiz mumkin.

Ofstedning so‘nggi hisobotini o‘qing

Har doim bolalar bog‘chasi oxirgi Ofsted hisobotida qanday natijaga erishganini tekshiring va barcha mavjud ma’lumotlarni onlayn o‘qing – bu hamma uchun ochiq, shuning uchun ularga osongina kirish mumkin. Agar yaxshi natijaga erisha olmagan bo‘lsa, nima uchun? Savolingizga hisobotdan sabab topa olmasangiz, muassasasa mudirasidan so‘rashingiz mumkin.

Xodimlar bilan tanishing

Farzandingizga mas’ul tarbiyachini so‘rang va u bilan to‘g‘ridan-to‘g‘ri suhbatlashing – tashrifingizni ham u ishda bo‘ladigan vaqtga to‘g‘irlang, shunda siz tarbiyachi bilan yakkama-yakka gaplashib, tajribasi va malakasi haqida so‘rashingiz mumkin.

Farzandingizni adaptatsiya seansiga yozdiring

Odatda bu seans ikkiga bo‘linadi. Birinchisi farzandingiz bilan sizning ishtirokingizdagi seans bo‘lsa, ikkinchisi farzandingiz ko‘nikishi uchun uni yolg‘iz qoldiradigan jarayon hisoblanadi.

Bog‘chaga qatnashni sinab ko‘ring

Kutilgan sanadan oldin 2-3 hafta davomida ta’lim muassasasiga ertalab va kechki payt qatnab ko‘ring. Bu esa siz e’tiborga olmagan va duch kelishigiz mumkin bo‘lgan yo‘l tirbandligini oldini olish hamda u yerga qancha vaqt ketishiga ishonch hosil qilish imkonini beradi.

• Foydali
• qiziqarli