Qarshining “Nasaf” klubi, fransiyalik legioner futbolchi bilan nizoli vaziyat tufayli FIFA tomonidan transfer taqiqini oldi.
Qayd etilishicha, joriy yilning 7-oktyabr kuni FIFA Nizolarni hal etish palatasi “Nasaf” futbol klubi va fransiyalik futbolchi Abdelae Diakite oʻrtasidagi nizoli vaziyat yuzasidan qaror chiqargan. Unda koʻrsatilishicha, “Nasaf” futbolchi bilan tuzilgan shartnoma shartlarini bajarmagan.
Shu sababli futbolchi FIFAga murojaat qilgan va yakunda FIFA “Nasaf” futbol klubi zimmasiga belgilangan qarzdorlik va jarima toʻlovlarini 45 kun mobaynida toʻlashi lozim ekani, agar mazkur majburiyatlar klub tomonidan oʻz vaqtida bajarilishi taʼminlanmasa, klubga nisbatan milliy va xalqaro miqyosda yangi futbolchilarni roʻyxatdan oʻtkazish boʻyicha taqiq qoʻyilishi haqida ogohlantirish bergan.
Keltirilishicha, bugun FIFA 45 kunlik muddat yakuniga etganini inobatga olib, “Nasaf”ga transfer taqiqi qoʻydi. Endi klub qishki transfer oynasi vaqtida yangi futbolchilarni oʻz safiga qoʻshib olish uchun, mazkur nizoli vaziyatni hal etishi lozim boʻladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!