Shvetsiya va Finlyandiya elchilari Aksel Vernxof va Klaus Korxonen NATO Bosh kotibi Yens Stoltenbergga mamlakatlarning alyansga qo‘shilishi bo‘yicha rasmiy arizalarni topshirdi. 

NATO bosh kotibining so‘zlariga ko‘ra, Finlyandiya va Shvetsiyaning aʼzo boʻlishi alyans xavfsizligini yaxshilaydi. “Murojaat qilganingiz uchun tashakkur. Barcha davlatlar xavfsizlik masalalarini o‘zlari hal qilish huquqiga ega va men Finlyandiya va Shvetsiyani NATO a’zosi sifatida qutlayman”, – deydi u 

Ikki davlatning aʼzolik haqidagi arizalari avvalo NATO Kengashi tomonidan koʻrib chiqilishi kerak. Shundan so‘ng a’zolik shartnomasi ittifoqning barcha 30 davlatida milliy darajada ratifikatsiya qilinadi. 

Qayd etish joiz, kecha, 17-may kuni Shvetsiya tashqi ishlar vaziri Ann Linde a’zolik bo‘yicha arizasini imzolagan edi. Shuningdek, Finlyandiya parlamenti NATOga a’zo bo'lish taklifini qo‘llab-quvvatladi, 188 deputat uni yoqlab ovoz berdi, sakkiz nafari tashkilotga a’zolik arizasiga qarshi chiqdi. 

• Finlandiya
• Jahon
• NATO
• Shvetsiya