Fransiyaning Sorbonna universiteti olimlari odamdagi ijodiy qobiliyatni uygʻotish usulini topishdi. Tadqiqotchilar shu maqsadda ixtirochi Tomas Edison va rassom Salvador Dali usulini sinab koʻrishgan.
Dali va Edisonning har ikkisi ham deyarli bir hil usuldan foydalanishgan. Ular biror muhim narsa haqida xayol qila boshlaganlarida qoʻllariga ogʻir buyum ushlab olishgan va uhlashga harakat qilishgan. Koʻzlari uyquga keta boshlaganida mushaklar boʻshashib, qoʻldagi buyum pastga tushib ketgan. Buning natijasida uxlab qolgan odam uygʻongan. Aynan mana shu daqiqada xayol qilingan narsaning yechimi topilgan.
Fransiyalik olimlar oʻtkazgan tadqiqotda 100 dan ortiq koʻngilli ishtirok etgan. Ularga matematik masalalar berilgan va shundan keyin mizgʻib olish taklif etilgan.
Tadqiqot natijasida uyquning birinchi bosqichida miyaning ijodiy qobiliyati uygʻongani aniqlangan. Mizgʻib olishdan voz kechgan ishtirokchilarning bor-yoʻgʻi 30 foizi masalani toʻgʻri ishlagan. Koʻzi uyquga ketgan va oradan sanoqli daqiqalar oʻtmay turib uygʻongan odamlarda ushbu koʻrsatkich 87 foizga koʻtarilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!