Ogʻir vaznda UFC chempioni Frensis Ngannou UFC 270 turnirida Kiril Gan ustidan qozonilgan gʻalaba haqida fikr bildirdi.
“Men Ganning qiyin raqib ekanligini bilardim. U yaxshi kurash olib bordi, hatto, oxirigacha davom etganidan biroz hayron qoldi. Men faqat murabbiylarning sovuqqonlikni saqlash va Ganning orqasidan yugurmaslik haqidagi gaplarini tinglashim kerak edi.
Qiyin mashgʻulotni oʻtkazdim: jangdan uch hafta oldin shikastlandim ham. Lekin siz mening nimalarga qodir ekanligimni unutdingiz, men yana shu yerdaman.
Murabbiylarim kurashimni yuqori darajaga koʻtarishdi, endi u boshqa saviyada. Oilamga, barcha muxlislarga va davlatim Kamerunga rahmat. Vatanimdan buyuk muhabbatni his qildim.
Qanday davom etaman? Aytganimdek, boks har doim men qilishni xohlagan mashgʻulot boʻlgan. Men boks gʻoyasidan voz kechmoqchi emasman”, — dedi Ngannu.
Eslatib oʻtamiz, avvalroq UFC 270 turnirida pul bonuslarini olgan sportchilar maʼlum qilinganligi haqida xabar berilgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!