Meksikalik rassom Frida Kaloning “Diego va men” avtoportreti Nyu-Yorkdagi “Sothebyʼs” kimoshdi savdo uyi tomonidan 34.9 million AQSh dollari evaziga sotildi. Ushbu qiymat lotin amerikalik rassomlarning ishlari orasidagi rekord summa hisoblanadi.

Rassom tomonidan chizilgan suratda Frida Kaloning koʻzlari yoshga toʻlib turgan yuz tasviri aks etgan. Uning peshona qismida esa rassomning turmush oʻrtogʻi – Diego Rivera koʻrinishi tasvirlangan. Surat 1949 yilda chizilgan boʻlib, 1990 yilda kolleksionerlardan biri tomonidan 1,4 million dollar evaziga xarid qilingan. Bunga qadar mashhur avtoportet rassomlar oilasining yaqin doʻsti — adiba Chikago Florens Arkinga tegishli boʻlgan.

Suratni kimoshdi savdosida “Malba” Lotin Amerikasi sanʼati muzeyi asoschisi xarid qilgan.

• qiziqarli