“Katta yigirmatalik” yetakchilari Indoneziyaning Bali orolida oʻtkazilgan sammitni yakunladilar. Davlat rahbarlari va siyosatchilar sammit doirasida Ukraina mojarosi, dunyodagi vaziyat, Polsha hududiga raketalarning kelib tushishi masalalarini muhokama qilishdi.
Rossiya Tashqi ishlar vaziri Sergey Lavrov yakuniy deklaratsiya “aksilrossiya manifesti” boʻlmagani, uning har bir qismi sinchiklab tekshirilganini aytib oʻtdi.
Yakuniy protokolga “koʻplab delegatsiyalar Rossiyani qoraladi” jumlasi qoʻshib qoʻyildi.
Indoneziya prezidenti Joko Vidodo delegatlarni global iqtisodiyot va taraqqiyot muammosining yechimiga eʼtibor qaratishga chaqirdi. Sammitning soʻnggi sessiyasi yakunlangandan keyin Vidodo raislikni Hindiston bosh vaziri Narendra Modiga topshirdi.
Hindiston G20 estafetasini 1-dekabrdan qabul qilib oladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!