General Motors kompaniyasi 2022-yilning avgustida Spark xetchbegini ishlab chiqarishni to‘xtatib, uni dunyo bozoridan olib tashlaydi. Bu haqda kompaniya saytida ma’lum qilingan.
Xabarda aytilishicha, Spark hozirgi davr uchun “moda”dan qolgan va 2021-yilda ushbu rusumdagi avtomobilning sotuvi hajmi tushib ketgan. Uning o‘rniga kompaniya Trax krossoverini sotuvga chiqarmoqda.
Kompaniyaning bu qarori dastlabkisi emas. Detroyt avtomobil ishlab chiqaruvchisi avvalroq Chevy Cruze, Sonic va Impala avtomobillarini ishlab chiqarishni to‘xtatib, o‘z ro‘yxatida uchta avtomobil – Camaro, Sorvette va Malibu nomlarini qoldirgan edi.
Hozircha, O‘zbekiston bozorida eng xaridorgir bo‘lgan Spark ishlab chiqarilishining to‘xtatilishi yoki to‘xtatilmasligi borasida UzAuto Motors’dan aniq ma’lumotlar yo‘q. tez orada bu borada rasmiy ma’lumot berishi kutilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!