General Motors eski avtomobillarni (Cadillac, Chevrolet, Buick) elektromobillarga aylantirish uchun elektr komplektlarni sotishni boshlaydi. Bu haqida kompaniya saytida xabar berildi.

Kompaniya hisob-kitoblariga ko‘ra, avtomobillarni elektr tortishga aylantirish uchun butlovchi qismlar bozori 2030-yilga borib 20 milliard AQSh dollargacha o‘sishi mumkin, chunki ko‘proq sanoat korxonalari karbonat angidrid chiqindilarini kamaytirishni maqsad qilib qo‘ygan. Xususan, GM avtomobillaridan tashqari, suv transporti va maxsus jihozlar ham konvertatsiya qilinadi.

Ma’lum qilinishicha, ixtisoslashgan ustaxonalar xodimlari birinchi navbatda ichki yonish dvigatellaridan foydalanish uchun mo‘ljallangan eski avtomobillarni konvertatsiya qilish uchun zaruriy tayyorgarlikdan o‘tadi.

Shuningdek, korporatsiya 2025-yilgacha yangi elektromobillar va tegishli tarmoqlarni yaratishga 35 milliard AQSh dollar sarmoya kiritmoqchi, konversiya dasturi ham shu byudjetdan moliyalashtiriladi va 2022-yilda ish boshlaydi.

• General_Motors