Germaniya terma jamoasining Qatar yashil maydonlarida davom etayotgan jahon chempionatidagi muvaffaqiyatsiz ishtiroki barchaning hayratiga sabab bo‘ldi. Nemislar o‘tgan turnirda ham omadsiz qatnashgan edi. Bunga sabablardan biri bu Olmoniya termasidagi ichki nizo bo‘lishi mumkin.
Ta’kidlanishicha, Germaniya termasi lageri ikkiga bo‘lingan: “Bavariya” o‘yinchilari va boshqa futbolchilar. Shuningdek, Hansi Flik birinchisi tarafda bo‘ladi, chunki u ilgari Myunxen klubida ishlagan.
“Bavariya” vakillari “One Love” tashkilotini qo‘llab-quvvatlash sharafiga aksiya o‘tkazishni talab qilishdi.
Ilkay Gyundogan Yaponiya bilan o‘yin paytida Leon Goretska bilan almashtirilganidan juda norozi bo‘ldi, ya’ni u “myunxenliklar” to‘liq bo‘lishiga halaqit bergandek edi. Vaholanki, Yaponiyaga qarshi o‘yinda nemislarning yagona golini Gyundogan urgan edi.
Shuningdek, Mark Andre ter-Shtegen va Kay Xaverts zaxirada o‘tirishdan norozilik bildirgan. Ammo, “Bavariya” ning sobiq o‘yinchisi Niklas Zyulening sport formasi yaxshi bo‘lmasa-da ko‘proq maydonga tushdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!