Germaniya Ukrainaga harbiy yordam ko‘rsatishni atayin kechiktirmoqda, chunki u Rossiya bilan odatiy hamkorlikni qayta tiklashga umid qimoqda, deydi Polsha tashiq ishlar vaziri Zbignev Rau.

“Germaniya Ukrainani qo‘llab-quvvatlash ko‘lami va sur’atini ataylab kechiktirayotgandek ko‘rinyapti. Aftidan, ular urushning natijasi qanday tugashidan qat’iy nazar Germaniya-Rossiya munosabatiga putur yetmasligini istamoqda” , - deydi Rau.

“Germaniyaning Ukrainaga qurol yetkazib berishida fashistlarning o‘tmishi bilan bog‘liq psixologik to‘siqlar mavjud”, - deydi Ukraina prezidenti Volodimir Zelenskiy ushbu vaziyatga munosabat bildirib.

Volodimir Zelenskiy Germaniya beradigan qurollarni Ukraina uchun o‘ta muhim ekanligini ta‘kidlagan.

Ma’lumot uchun, 15-sentyabr kuni Germaniya mudofaa vaziri Kristina Lambrext Ukrainaga yangi qurol-yarog‘lar yetkazib berilishini tasdiqlagan edi. Jumladan, Mars II raketa tizimi va 50 ta Dingo zirhli transport vositalari yetkazib berilishi belgilangan edi.

• Germaniya
• Qurol
• Rossiya
• Ukraina
• Zelenskiy